Drapen vun de Plattsnackers in de Gill

Traditschoon warrt in de Eutiner Schüttengill ne blots grot schreven, se warrt ok mit Leven utfüllt!
Wi pleegt de plattdüütsche Spraak un wohrt dat Bruukdom vun uns Heimat.

Hierto hett de Gill de „Plattsnackers in de Eutiner Schüttengill“ in’t Leven ropen, ünner Vörsitt vun den Plattdüütsch-Beopdragten Jens Latendorf.

All Gillbröder, Frünnen un Gäst sünd hartli inladt, in een kommodige Runn tosamen to sitten un platt to snacken.

Baben an staht de Spoß un de Gemeenschap. Is uns överhaupt ne wichti, wat Du heel nie bi dat Plattdüütsche büst orrer wat Du dat al beter kannst. Jedeen snackt un list as good as he dat kann. 

Bi und gifft dat keene Huusopgaven, keene Vokablens. Dat schall Spoß maken för all, de mitmakt! Un vun Mol to Mol geiht dat denn een beten beter mit Dien Plattdüütsch.

De Plattdüütsch-Baas Jens Latendorf freit sik, dat de Eutiner Schüttengill mit disse wunnerbore Idee een Bidrag to dat Bewohrn vun een gode Traditschoon maakt.

Wi sünd bi uns Drapen, de an`n ersten un dritten Moondag in`n Maand stattfinnt, so twölf bet veerteihn Plattsnackers. Dor is ok noch een Platz för Di frie!

Nu geiht dat wieder mit de Drapens vun de Plattsnackers.
Wi drapt uns jümmers Maandags, Klock halwig söben, 
in den Bürgertreff Eutin, in de Stolbergstraat 8.

De Drapens sünd an'n:

19.08.2024,

02., 16. un 30.09  un an'n 14. un 28.10.2024

Uutflüge makt wi natürli ok. Wi hebbt to’n Bispill al den Museumshoff Lensahn, Das Olenborger Gillmuseum, de Heimatstuuv Fissau un de Eutiner Michaelis-Kark besichdigt.

Hest Du Lust…..? Mell Di geern bi Jens Latendorf ünner „Kontakt“ rechts baben orrer kam eenfach mol vörbi an een vun de Maandage. Wi freit uns op Di!